學園奶爸 (学園ベビーシッターズ)

大家好, 今次介紹一套搞笑溫情動漫。 呢套我第一次接觸係透過漫畫APPS嘅, 因為到我打緊呢篇野嘅時候, 佢都係未出動畫, 淨係得預告(2018年放送), 而詳情可以click 入去佢地官方個網站睇下。http://gakubaby-anime.com/

呢套野嘅角色名都有關於動物, 大家睇嘅時候不妨留意下, 講下佢地有咩咁值得我推介先啦, 主角鹿島龍一就讀森之宮學園兼褓母社一員, 係一個好堅強嘅男仔, 雙親遇難去世後攜弟弟一同住進森之宮學園理事長嘅屋企到, 性格認真開朗，十分寵愛弟弟。

鹿島虎太郎, 龍一嘅細佬，最鐘意哥哥龍一, 忍耐力極強，不太會哭鬧, 同埋佢成日都個樣好呆, 好好笑^^, 由其是驚覺「哥哥被搶走」OR「哥哥被欺負」時會一個人默默露出大受打擊的表情, 總之係好Q 好乖嘅細佬, 全個褓母社細路仔當中佢係最乖嘅一個:)

狼谷隼,龍一嘅友人兼同班同學, 有著銳利嘅眼神, 不過都係內心充滿溫柔嘅哥哥, 縱使成日整估細佬某仲意義上(狼谷鷹), 但是個負責任的稱職兄長。我都幾鐘意呢個角色, 可能又係面嘅關係:P, 同埋佢基本上運動萬能，深受女孩子們(故事中的-_-)歡迎。

狼谷鷹, 隼嘅細佬, 褓母社細路仔當中近似於「頭頭」嘅存在, 時常帶頭調皮搗蛋。雖然頑皮愛哭鬧但其實十分正直善良。成日因搗蛋鬧哭, 而希望哥哥安慰, 但隼多數都唔理佢, 鷹繼而鬧哭更大^^, 其實十分憧憬哥哥-隼，希望自己長大後可以成為像哥哥一樣帥氣嘅人。最珍視的東西是一把玩具寶劍。

好啦, 講到咁多先, 大家想知多d就睇漫畫先啦, 睇完之後就會覺得d小朋友其實好可愛, 當然, 只限呢套野嘅小朋友啦;)