黑執事

呢套動漫對我來講係一個好重要嘅作品，因為佢就係我入坑嘅動漫*v*，咁可想而知佢嘅影響力係有幾大，我第一次接觸呢套動畫係喺 TVB J2，當時嘅我就仲未有其他嘅電子產品可以睇到動畫，所以唯一嘅途徑呢就喺電視嗰度睇到，跟住我見到廣告有賣呢圖動畫咁就睇下啦，點知佢嘅設定係黑暗奇幻系列，要我對於呢一類嘅動漫就冇乜點接觸過，所以呢我就一直有睇落去啦，當中佢嘅設定呢就係維多利亞時期嘅英國，而主角謝爾·凡多姆海伍呢就係一個貴族嘅家主，當中主角就因為屋企發生意外，而導致到需要借助惡魔賽巴斯欽·米卡艾利斯嘅力量去復興呢一個嘅家族，但係佢動畫第二季裏面謝爾變成左惡魔，咁相對之下賽巴斯欽就因為佢變成左惡魔而唔可以食咗佢嘅靈魂，截至第二季黎睇，其實賽巴斯欽都幾慘，本身諗住可以食咗謝爾個靈魂，但係因為漢娜嘅契約，而唔可以得償所願，即係代表佢之前所做嘅嘢都係白費，sosad。 不過跟返漫畫來睇嘅話呢又唔覺謝爾有左不死之身(即係變成左惡魔)，不過唔緊要啦呢套野本身漫畫同動畫嘅情節就唔係咁吻合，同埋漫畫我冇睇過前半段，淨係由馬戲團嗰度開始睇落去，所以我都唔係咁清楚之前漫畫係講啲乜嘢內容，因為我睇漫畫嘅原因係想知道劇情點樣發展落去，就算枢梁（枢やな）老師更新得有幾慢都好，我都會繼續追落去架，最好係我有生之年就完結^^，不過點都好無論漫畫定係動畫嘅劇情都係咁吸引，遲啲就會出電影架啦，係講郵輪嘅事件而且揭開左伊利沙伯嘅真正實力，當我睇完呢一節漫畫嘅時候我就對佢改觀：D，果然同「凡多姆海伍家有關係嘅都唔會差得去邊:P 最後我想講嘅係呢套動漫，雖然包含咗：黑暗、奇幻、富維多利亞華麗色彩等等嘅元素，但係其實佢暗藏推理嘅細節，只要大家細心留意劇情，同埋熟悉當時嘅社會背景呢，就會好容易估到作者想講啲乜嘢出嚟，咁當然啦需要大膽假設小心求證，希望大家睇完呢套動漫，都會好似我一樣咁鍾意啦 哈哈