冰菓

好啦，今次講下我睇左3次嘅動畫，哈哈^^我都覺得好誇張，但佢好值得我睇咁多次，我知道有小說嘅，不過我第一次接觸係動畫，所以都冇乜動力去睇字。 當我睇左佢成季一次之後就覺得，點解我中學冇呢d事發生，就算我唔可以好似佢咁解決到，但呢種有事件需要人去解決嘅感覺好正，而家講講下又想睇多次XD。 動畫佢其實描繪得好細緻，可能係因為加埋BGM嘅關係，有種好悠閒嘅感覺，令我覺得番學並唔係一樣好悶好沉重嘅事，反而增加我發掘日常生活中樂趣嘅動力，希望可以達致到動畫裏面嗰種嘅生活節奏，無錯我真係可以渴望我係裏邊生活，不過現實生活中係唔可能做到，所以唯有再睇下動漫去調劑下好悶嘅生活。 另外，睇冰菓我亦都好羨慕主角奉太郎「灰色的節能主義者」嘅哲理，認為「沒必要的事不做，不得不做的事，就盡快解決」，不過亦都因為佢身邊各種人嘅關係，而令到佢唔可以實行節能主義，雖然佢嘅校園生活未至於去到櫻花色咁多姿多彩，但係都漸漸由灰色變成彩色，而佢嘅高中戀愛就因為佢到最後都冇講出佢心中嘅諗法，所以就同女主角千反田嘅感情告終。其實由男主角嘅人物設定裏面，都注定左佢係呢輯動畫係唔會有戀愛嘅結果，不過唔緊要啦，我最主要都係睇佢嘅推理能力同埋應變，希望我都可以係必須嘅事情上面盡快完成。：D