鋼之鍊金術師（FA）

今日就介紹佢啦，因為好多人都講有睇過呢套，咁其實我係睇過「鋼之鍊金術師」、「鋼之鍊金術師FA」，兩套黎講我比較推薦FA，因為故事係比較完整，同埋我Friend話呢套係跟原著黎畫嘅，所以就推薦呢套俾大家啦。 咁講下內容先啦，我係今年暑假先完整地睇曬兩套嘅，同埋係飛住黎睇，加上FA之前J2有播過，所以我用呢種形式睇，感覺上「鋼之鍊金術師」嘅賢者之石係好多牌貨，睇到有小小亂，同埋佢好多野都唔係交代得好清楚，所以我睇完之後覺得好似未完嘅咁樣，可能我係一次過衝曬咁多集，所以有小小混淆，不過唔緊要啦，我之後又衝曬FA，一次過睇完兩套我都唔係好知自己睇緊咩，有機會我會正正經經咁睇一次，而唔係飛住黎睇。